مجموعة مجلات العمدة الشاعرسيدالاشول الألكترونية للشعر و الأدب

أنا فاكرك ..
أنا فاكرك لسى .. مش ناسيكى ..

لو تغيرى .. كل يوم أساميكى ..

فاكر اول نظرة .. من عنيكى ..

فاكر كل حاجة .. بتفكرنى بيكى ..

يا نسمه البحر يامعديه .. أمانة تهدى شويه ..

أنا مش حمل الريح .. قلبى ضعيف مش فيا ..

هو الغرام لعبة .. عشان تلعبى بيا .

عمرها ما تكون محبة .. دى قساوة مش ملاغيه ..

لو غيرتى لون العيون .. و الشعر الأصفر و الرموش ..

مش هتنسينى ملامحك .. و مين عنك يحوش ..

لو عملتى ميت صفحة .. و لونتيها بالرتوش ..

مش هتوه عنك يا نسمة .. و اللى بينا ما نسيتوش .

بقلم الشاعر .. محمد البريمى ..