مجموعة مجلات العمدة الشاعرسيدالاشول الألكترونية للشعر و الأدب

************************************

إنت و بس ..
إنت و بس اللى خطف قلبى .. من بين ضلوعى ..

إنت وبس اللى نسانى .. كل أوجاعى ..

إنت و بس اللى إخترته .. من بين البشر ..

إنت و بس اللى حبيته .. و علمنى كيف السهر ..

إنت و بس اللى خلانى .. أعشق ليالى القمر ..

إنت و بس اللى حبيبى .. و معايا ف صحوى و منامى ..

إنت عمرى و كل أمالى .. إنت أشواقى و هيامى ..

إنت بكره اللى بستناه .. طول لياليا و أيامى ..

إنت الحلم اللى ف خيالى .. بأتمنى أبلغ مرامى ..

على بالى ديمآ يا شاغلنى .. شايفك بعيونى و قدامى ..

إنت اللى عيونى عليك .. ف الرايحة و الجاية .

الشوق رمانى ف بحر عنيك .. و نده من تانى عليا ..

رجعلى عمرى و شبابى .. و حلى الدنيا ف عنيا ..

بعد ما كنت تايه .. ف بحر الأسية ..

شفت الأمل طاير .. بيرفرف حوليا ..

بقلم الشاعر .. محمد البريمى ..