مجلة فرسان الكلمات للأدب والشعر: ------------شكوي------------ تمت بحمد الله اليوم ا...

** قصيدة المصطبة **

** عامية ** كلمات **

العمدة ***** الشاعر

سيد الاشول ابو بلال

************* المصطبة ***************
علي المصطبة كنا قاعدين
نحكي حكاوي فاتت من سنين
أيام ما كان الخير ما لي الكفين
لما كان جدي بيمشي بالقدمين
لا بيملك حمارة ولا حمارتين
و لكنه مبسوط ومن الشاكرين
حياتهم كانت بسيطة وشقيانين
بس كانت ناس كلها متأصلين
كان لها عادات عليها عايشين
مرت الأيام ضاعت من الأيدين
النها ردة شوف الاخ راااح فين
لابقي يعرف اخوه ولا هو مين
ماهي خلاص بقت دنيا الملاعين
سرح بينا الوقت وأحنا مشغولين
قمنا نصلي الفجرونردورا الامام أمين
ورجعنا بعدها للبيوت قلبنا مبسوطين
لما صبح الصباح كان القلب حزين
من عالم بأموالنا وخيرنا لهم مانعين
اللهم لا إعتراض ماهم للحق راعين
مش نقمة من الدنيا لاء من الظالمين
بشر بترعي بالشر فينا ومبسوطين
كأننا عبيد وهما لنا من الشاريين
وبأموالهم وجبروتهم فينا متحكمين
يمشونا علي كيفهم شمال أو يمين
وأحنا الفقراء من ظلمهم شاربين
بالله عليك يا سيدنا مش دول شياطين
و نرجع تاني علي المصطبة قاعدين
متنساش ياخال أننا في الأصل فلاحين

************************************
تمت بحمد الله
اليوم الثلاثاء الساعة 30 \ 8 صباحا
6 من صفر 1440 هجرية
15 اكتوبر 2018 ميلادية
العمدة ***** الشاعر
سيد الاشول ابو بلال