مجلة فرسان الكلمات للأدب والشعر: ------------شكوي------------ تمت بحمد الله اليوم ا...

لو بايدي ..او بايدك
كنت هبقي اي واحد
من عبيدك
كنت هبقي احساس مؤقت
او دم فاسد في وريدك
فاكره لما كنت اشوفك
كنت بفرح
كان نصيبك في مشاعري
ورد يطرح
ليه بعد وردك
كله بقي شوك بيجرح
استحاله دي حقيقتك
استحاله اكون عشقتك
كله وهم
هي دي كانت طريقتك
تسقيني سم
حاولت اخبي المي منك
اكتشفت ان المك
اترسم جوايا وشم
امانه عليك
من حياتك خرجيني
ولاحساسي بيك ابعديني
وزي ماعوديني حبك
كمان لنسيانك عوديني
وزي ماكنت معني
جوه حرفي
وزي ماعلمتيني احبك
علميني اداوي جرحي
واخرة الكلام
مع وافر التحيه
معادش ليك عندي
لاحرب ولاسلام
معادش ليك لازمه
ولا علامه تعجب
كل اللي ليك عندي
حرف مشلول وعاجز
حرف معلول بعله
واخرة الحرف يمكن
علامة استفهام
احمدعبدالحق