مجلة فرسان الكلمات للأدب والشعر: ------------شكوي------------ تمت بحمد الله اليوم ا...

ياللى مشيين بالصاجات
بتهللوا 
في كرتونه للطعام 
على شعب دايما تخزلوه
حتى في جميع القنوات
الكلمه واحده أتبروعوا
مره هنجوز اليتيمات
ومره سقف هنصنعوا
ومره بنبني مستشفيات
للى أتحرقوا
والواد جي من الصعيد
سفر طويل أدعموا
واللي بيوزعوا كرتونات
ناووين يترشحوا
بنك الطعام ع الشاشات
ملييون مواطن نطعموا
خلقتم جيل متنطعين ومتطنعات
في رمضان يستسلموا
وبقينا شعب كله شحات
وعلي القنوات بتلموا
هي دي مصر ياباشوات
اللي عليها بتتكلموا
مصر اللي فى أرضها الغللات
وعالدول بتقسموا
ليه عايزين شعب ذليل
وشحاتين من كل جيل
العفه فين والقناعه
ولا خلاص بقى مستحيل
أنك تلاقي حد يقول
كفايه فضايح ع الشاشات
وف الساحات وع الطرقات
وصورة المتبرع وأسمه
على الكراتين منوره
ويبقى أسمه ف كل بيت
لاجل ماينوى يترشح
دعايتك وصلت للبطون
قبل التصويت
بوس الأيادى وطوابير
وواقف الغنى والفقير
رمضان مش للشحاته
ونقول دا شهر كله خير
رمضان شهر العباده
لو تفطر عيش من غير خمير
وتحمد ربك بزياده
وتطلب من ربك التيسير
ولا خلاص بقت عاده
عند الغنى وعند الفقير
كفايه ياناس على مصرنا
أفعالكم ملهاش تفسير
( أسامه جديانه)