مجلة فرسان الكلمات للأدب والشعر: ------------شكوي------------ تمت بحمد الله اليوم ا...

الشاعر طلال علي الشمري تعود فراشي على وحدة ليل مابه دفوه. 
ونگعت اطراف المخدة
إتكت بچي.. 
گمت اسولف وي خيالج
ماكو صوت. 
مو چنت عطشان اليج 
رايد حچي.. 
مثل وردة وذبلت وماظل عطرچا شنتظر. 
انا مثل الگاع گلبي مفطر 
ورايد سجي.. 
ومن عطشتي ومايچ بصيهوده عوز .
فضت خنياب افورن گتلج انت دللي.. 
ومن گصر چفچ واشوف العوز اجاچ.. 
جيتچ مشكبن محبه وچنت
اصحين هلهلي.. 
هاي تاليه وجزاي تفرهديت
بلايه راي
نبعت لنگات بسواگ الليالي شظل الي.. 
خوطي بيه استاهل وخليه تفتر بيه حل.. 
اخذِ صوغات الوجع بهداي
اكلچ شكبني.
والدنيا رحه وصرت گبصه من السبوس .
الدنيا مو بس وياج عوجه
اعرفهه زين
فرگعتني وگلبتني بطاوه گلتني گلي. 
وفرگست چلماتي بچوف الشفايف. 
والوكت مبرد ندامه وحل يجلني جلي. 
جيبي عطابچ وشعليني على كيفچ 
انتِ والدنيا وي نارچ فوگ گلبي تمرجلِ
بقلم
علاوي الشمري.. 
العراق