مجلة فرسان الكلمات للأدب والشعر: ------------شكوي------------ تمت بحمد الله اليوم ا...

( زجل ) ( للعوج ما تسوق )
( كلمات )
العمدة *** الشاعر 
سيد الاشول ابو بلال
**** للعوج ما تسوق ****
للعوج إياك تسوق
خليها تحلو وتروق
خليك ولد زقزوق
تلاقي نفسك مرزوق
رزقك نازل من فوق
ومن شيطانك فوق
يبقي كلامك بالذوق
ياطيب أنت يا ذوق
---
ببلادنا ناس شطار
رجالة أولاد أحرار
لهم بالخير مشوار
لخدمة البعيد والجار
تلقاهم دايما سهار
في جلسات وحوار
للصالح مش أشرار
غاوين خراب ودمار
---
وبشر أصلهم أنجاس
من خلفة الوسواس
عايزة حرق الجاس
ما عندهم اي أحساس
زهقوني بجد يا ناس
علي الشر لهم حماس
شايلين المنجل والفاس
قافلين مخهم بالمتراس
لغوا الحق من الكراس
---
فيه عباد يا حلاوتهم
والاخرة هي غايتهم
النور مزين بشرتهم
الله ورسوله شاغلهم
الكتابة والذكر لعبتهم
قرأة القرأن متعتهم
حفظ الأحاديث سندهم
طريق الجنة مقصدهم
---
تعالي وقرب شوية
أقرا كلامي يا عنيه
الحياة نقمة مش هدية
عيشتها مهياش هيه
وملكش فيها أي ديه
ولوكتبت فيها وصية
رخيصة ومش غالية
الخروج منها في ثانية
من جوه قبورها محنية
الموت ده مهواش غية
لكن الرحيل بنيه صافيه
تلقي الجنة براح وافيه
***********************
تم اليوم الاحد
الساعة 10 \ 12 مساء
24 رجب 1440 هجرية
31 منارس 2019 ميلادية
العمدة ***** الشاعر
سيد الاشول ابو بلال