مجلة فرسان الكلمات للأدب والشعر: ------------شكوي------------ تمت بحمد الله اليوم ا...

عم سيد شاعر وقوال
اصلو ابن بلد صعبان 
عليه الحال
من عهد يوسف والصالحين
مرتاح يوم البال
الغلابه مشيو حفين غمسو
ملحهم عيش لجل صلاح الحال
ياجى ولى يجى امير نسمع
كلام من غير افعال
يكلو خير الشقا ويعبوه فى
شوال
وعملو الصبر غنوه ملفوفه ومتحبكه
عال العال
احنا نصبر وهما يملو البطون والخزاين
مترسا اموال
فلل وعماير وسراير حرير وريش ناعم
وخدم وحشم والكدب علينا شغال
وناس بتدفع التمن من دمها وقوت
العيال
خيبه ونقعه ع الفقير حتى طلب
الرزق بقا صعب ومحال
لو ذاد عليه البرد يرتعد اصل
الغطى غربال
ولى ماشاف منو يبقى عمى
قلبو وانكتب على الفقير
السؤال
اه سقيه بتلف فى بحر الهم
رميه علينا وبال
لابيروى ارض ولا ساتر عرض
مات القتيل والكفن اسكو بيه
الرجال
ياما قال غيرك ياعم سيد واشتكى
وكتب ع الحطان والشجر
قالو الشكوى لغير الله ازلال
طاطى علشان تعدى ونافق
بكره يخلص وبعدو يعدى
وسنين تاكل سنين ويتغير
خلق وبنى ادمين بس الضمير
متايد بالاغلال
حط ايدك على فمك واياك
تفك الحزام من على بطنك
من وين هتكفى الغلاال
جوع علشان يعيش هوه
وشلت الاحتيال
وشرب مرار صبرك بكره
يعدلها المتعال
اشرف ابو شريف