مجلة فرسان الكلمات للأدب والشعر: ------------شكوي------------ تمت بحمد الله اليوم ا...

أوقات. 
أوقات بحسك 
يادنيا ظالمه. 
ومعرفش ليه. 
بتعذبيني....... 
كل الدروب.
حوليه ضلمه...
إمته الفرح...
يوم يجييني..
دايره الدنيا بينا.
دايره معاها سواقينا.
لا يوم طابت جراحنا..
ولا يوم حنت علينا...
أوقات......
بدعيك يارب الكون.
انت اللي علينا حنون.
انت اللي خلقت الدنيا.
خليها علينا تهون....
مهما الدنيا تأخدنا.
مسيرها تسبنا في يوم.
واللي يتغر بيها..
هينسى يوم معلوم......
فيه بتترد المظالم........
وفيه النعيم بيدوم.....
أوقات بحسك يادنيا ظالمه.
ومعرفش ليه بتعذبيني.
كل الدروب حوليه ضلمه.
إمته الفرح في يوم يجييني.
أوقات.
كلمات الشاعر ماهر محمود.