مجلة فرسان الكلمات للأدب والشعر: ------------شكوي------------ تمت بحمد الله اليوم ا...

هي كانت ايه
نظره عيون
ولا كانت شوق ومتغرب
ولا لحظه تعقل
هربانه من جوه الجنون
هي كانت رقه
ولا قسوه برقه
ولا ورده مغروسه في طين
هي حلم
ولا كابوس
ولا طفل حب يفرح
ورد الحبايب ساعات بيجرح
وتموت الف مره
لما تلاقي الحبيب
عشان يحبك
بسكينه بارده فيك بيدبح
اخرة الليل نهاربيطلع
واخرة سهرالليالي
احساس يموت
واحساس عليك بيدمع
واخر خريفك اوراق بتسقط
وياما ناس بتتاسف
ساعة غلطها
وناس تتكبر ساعة ماتغلط
اخرة غرامك يمكن تكون
دمعة عيون
ويمكن تكون
ويمكن تكون
المهم تنزل غصب عنك
دمعة عيون
واخر الكلام
مش مهم انك تخون
مش مهم انك تبيع
مش كل الكلام مووزون
ولا كل الحروف تتحس
اصل المشاعر مش مجرد
كلام بين السطور يترص
الخلاصه بدون تجمل
عشان تحس التعقل
لازم تعيش الجنون
وعشان تنول الشهاده في الغرام
لازم تتوب
وعشان تؤمن بالقدر
لازم تفهم المكتوب
احمد عبدالحق