مجلة فرسان الكلمات للأدب والشعر: ------------شكوي------------ تمت بحمد الله اليوم ا...

( قصيدة ) 
&&&&& ( صوت الآذان ) &&&&&&
صوت الأذان من نومي صحاني
قبل الشيطان ما يخش في وداني
وقتها حاول يخلي أحلامه شغلاني
لكن ربنا رحمني ومن شره نجاني
-----
صحيت من نومي وكنت بتشاهد
وربي من فوق بسماه علي شاهد
ردت الآذان قرأت قرأن به بتعاهد
أما الشيطان كان محروق بيتناهد
----
نزلت وخرجت أجري من البيت
وعلي المسجد بخطاي له مشيت
دخلت الميضة وهناك أتوضيت
بعدها في وسط الجماعة صليت
----
خرجت من المسجد وأنا فرحان
حسيت في وقتها إني مسلم انسان
كنت قبل الصلاة عايش في حرمان
أفتكرت عمري اللي كان كله أحزان
----
وأنا ماشي سمعت صوت معاه أنين
معرفش في وقتها كان جاي منين
لكنه محروق أوي من كل المسلمين
بس مش ظاهر ولا شايفه هو فين
---
جسدي حس بحرارته أبوالشياطين
أصله غاوي يخلينا من الملاعين
يقعد علي ودننا يخلينا له سامعين
بس يروح فين مع العباد المخلصين
---
ما هم عباد عايشة بحب الآحباب
تلقاهم دايما واقفين علي كل باب
يتمرغوا بدمعهم فوق كل الآعتاب
حبا في الله ورسوله نبي الآطياب
---
أما أنا قلبي كان فرحان وسعيد
كان اليوم ده بالنسبة لي يوم عيد
هل عليه بالخير مع الفجر الجديد
محضر لي من الخير كل المفيد
&&&&&&&&&&&&&&&&&&
تمت بحمد الله اليوم الثلاثاء
الساعة 40 \ 2 مساء
16 من رمضان 1440 هجرية
21 من مايو 2019 ميلادية
العمدة ***** الشاعر
سيد الاشول ابو بلال