مجلة فرسان الكلمات للأدب والشعر: ------------شكوي------------ تمت بحمد الله اليوم ا...

كان كل أملي فى الحياه
فى ولد ويشيل أسمي
ربي استجاب للدعاء
وارتبط أسمه بإسمي
كان حياتي ونور عينيه
هو قلبي هو نبضي
كل طلباته مجابه
حتى لو كان طلبه عمرى
شقيت عليه وفنيت حياتي
لاجل مايحقق لي أملي
كان عينيه اللى بشوف بيها
هو سندي فى كبر سني
كنت أخاف عليه ما الهوا
ياريتك تحقق حلمي
نفسي أشوفك شئ عظيم
وافتخر وأقول دا إبني
خد شهاده كبيره كانت
دكتوراه على حد علمي
بعدها نساني وسافر
يابني خليك هنا جنبي
قالي ومستقبلي
قولت مين هايشيل همي
قالي يابا لازم أهاجر
لاجل ماأحقق حلمي
أنا هابعت لك فلوس
وكام رساله بخط قلمي
قولت مين راح يرعاني
لكنه سافر وخاب ظنى
قولت يابني روح وسافر
كنت أملي وروحت مني
راح ماودعنيش وسافر
أنت جيت زودت همي
هي دي هي الحياه
كنت عايزه يبقى ضلي
سامحتك يابني من قلبي
وياريت دايما تطمني
وأنا مولايا هيرعاني
لو الكل بعد عني
أوصيك ماتنسى أهلك
أنت راجلهم بعد مني
ومن يومها لافى جوابات
ولا حتى بيكلمني
ولا عاد اللي شال أسمي
ولا جه اليوم وبقي سندي
( أسامه جديانه)(