طمنيني عليكي . الشاعر /محمد شعله . أول رساله أكتبها ليكي . بس خايف منها تأذيكي . بمرار الفراق مسطرها . وبدمع العين بحاكيكي . طمنيني ياحبيبتي عليكي . عامله إيه الوحده فيكي . لسه الدمع سايل من عنيكي . ولسه نار الشوق بتكويكي . ولاغيابي مش فارق معاكي . وقلبك إتعود خلاص ع البعاد . وإتجمد لما إنقطع حبل الوداد . إوعي تكوني صدقتي اللي قالوا . البعيد عن العين بعيد عن الفؤاد . طمنيني واخده بالك من الولاد . بيزاكروا دروسهم ولا بيلعبوا. . طب لسه فاكرني وبيسألوا عني. . وبتقوليلهم إيه لما بيسألوكي . طمنيني متكدبيش عليا أرجوكي . طب طمنيني إستلمتي الحواله. . طب سددتي أول كمبياله . واللي باقي من الفلوس يكفيكي . ولا أجوع نفسي أكتر من كده . ولا أمنع الزاد إن كان يرضيكي . ولاترضي بنصيبك وتدبري حالك . واللي يمشي عالناس يمشي عليكي . مش عايزه بقى تعرفي أخباري . السهد ليلي والضنا نهاري. . والحيره سجني والفكر سجاني. . لا انيس ولاجليس عايش وحداني . على جدران الحزن كتبت أشعاري . وحالف لاكمل في العذاب مشواري . وعارف إنك مهما إسيتي عليا. . لا يمكن أبدإ أهون عليكي.. . وأنا عن نفسي حاسس بيكي . والصعب عليا أصعب عليكي. . بس اللي عايزك تعرفيه . وفي قلب قلبك تحفظيه . إسمك في قلبي مش ناسيه.. . لو نسيت إسمي مش ناسيكي.. . بس إرضي الله يرضى عليكي . دي الدنيا فانيه ومش مستاهله . ممكن في وهله تاخدك مني . دا طبعٱ بعد الشر عليكي . وممكن تاخدني من إيديكي .
تعليقات
إرسال تعليق