مجلة فرسان الكلمات للأدب والشعر: ------------شكوي------------ تمت بحمد الله اليوم ا...

( رباعيات ) # سيد الاشول #
------------------------------
بني أدمين عايشة في الوهم
بكرة عندهم سموه مستقبلهم
بشرغريب يركب الناس الهم
والخلايق ما تسلم من شرهم
-----( عجبي )-----
يوم راح وعدي من عمرنا
وكنا فاكرين العمر دايم لنا
طلع تفكرنا قليل وعلي قدنا
اللي مشي راح وارتاح من وشنا
-----( عجبي )-----
نادي علي الأيام وقول لها عودي
لزمان تقولك ده كان أيام جدودي
كان الخيركتيرللغني وللفقيريا دودي
كانت الناس تعشق السهريا عبودي
-----(عجبي)-----
كان يا خلايق الآدب له فنون
اللي مايعرفوش يبقي مجنون
لو سمع عن الجمال يبات مفتون
قلبه يدق من الألم ومن الشجون
-----(عجبي)-----
تعالي يا غالي يوم جاريني
في الشعر والآدب ماشيني
لوتعبت سري عني وواسيني
وقول للذكريات أوعي تنسيني
-----(عجبي)-----
قمر الليل سهران علي الحلوين بيدور
والحلوين ما في يوم ولا لحظة فيه تفكر
وتتعب نفسها ليه وعلشانه تتعب أو تسهر
لوالقمر مهم لهم ما كان واحد عنه يتأخر
-----( عجبي )-----
( رباعيات الآشول )
يا صباح الورد البلدي بعطره الفواح
هل علينا يبشرنا بالسعادة والافراح
الحلو جاي بنفسه يصبح علي الملاح
ويقول لكل اللي شقيان بكرة راح ترتاح
-----( عجبي )-----
يا صاحبي خليك دايما في القلب غالي
أسأل عليه ولو مرة وسافر و تعلالي
أوعاك في يوم تنسي ان فربك بيهنا لي
كنت لك محلص وما لحظة اتبدلت أحوالي
-----( عجبي )-----
يا سلام عليك يا ولد
يا أصيل يا ابن البلد
طول عمرك شاب جلد
بعد منك ما جدع أتولد
-----( عجبي )-----
يا سيدي أرجوك أرحمني
خليت النوم ياجميل بعد عني
صوتك بيبقي جميل لما بتغني
يقول للقلوب الغالية عليه حني
-----( عجبي )-----
( رباعية رخام بعرق ذهب )
------------------------------
وسط الرخام عرق من دهب
سبحانه من صنعه ولنا وهب
شيئ يفوق الخيال جماله رهب
لو غاب عن النظراخفي وذهب
----------( عجبي )-----------
( رباعيات )
العمدة ***** الشاعر
سيد الاشول ابو بلال